LA UNION – Nailista iti kaunaan a COVID-related death ditoy syudad ti San Fernando idi Lunes.
Base daytoy iti opisyal a waragawag ti lokal a gobyerno ti syudad babaen kenni Mayor Alfredo Pablo Ortega, kalpasan a kinumpirma ti Department of Health Center for Health Development Region 1.
Iti 74-anyos a lakay ket maibilang a COVID Patient No. 6, residente ti Barangay San Agustin ditoy syudad, awanan ti travel history ken awan met ti nakapolapol na a tao nga addaan ti sakit a covid.
Na-admit iti Ilocos Training and Regional Medical Center (ITRMC) idi July 12, gaputi sag-sagabaen na a nabayagen nga uyek ken nakapsot a pammagi.
Dagus met laeng a naitabon idi July 13.
Kabayatanna, iti lugar a nagnaedan ti biktima ket maipasidong iti hightened community quarantine.
Amin a residente ditoy ket maipasidong iti strict monitoring ken mabalakadan a sumurot iti precautionary measures ken minimum health standards .
Kabayatanna, iti City Health Office ket mangisayangkat ti extended testing ita nga aldaw kadagiti identified close contacts iti covid patient no. 6
Gaputi dayta, innem itan ti kaso ti COVID ditoy syudad ken maysa metten iti nailista a natay, maysa iti agtultuloy a maag-agasan ken uppat dagiti recoveries.
