Nailista ita ti ma-ika 15 nga positibo ti kaso ti Covid 19 ditoy La Union.
Ti nasao a pasyente ket maysa a 75 years old lola manipud iti Barangay Calumbaya, idiay ili ti Bauang, ditoy probinsya.
Awan ti travel history wenno anyaman nga exposure iti Covid 19 patient ti nasao a lola.
Nakarikna daytoy ti simtomas idi April 13 ken dagus a nagpakonsultar iti doktor.
Idi laeng kalman April 15, nga rimmuar iti resulta ti test na no sadino positibo daytoy iti Covid 19.
Iti agdama ket naiyakaren iti Ilocos Training Regional & Medical Center ti pasyente para iti naan-anay a pannakataming.
