LA UNION – Asidegen a magun-od ti Provincial Health Office (PHO) iti target a porsiento iti panagbakuna kontra measles-rubella ken polio vaccine kadagiti ubbing iti intero a probinsiya ti La Union.
Kinumpirma iti Bombo Radyo La Union ni Dr. Eduardo Posadas, provincial health officer, umaboten iti 75% manipud iti target a bilang a 61-k nga ubbing iti nalpasen a nabakunaan ti anti measles ken anti rubella bayat a 76% metten manipud iti target a bilang a 71-k nga ubbing iti naipaayan ti oral polio vaccine.
Iti agdama, mangisay-sayangkaten ti map up operation ti provincial health office kadagiti dadduma pay lugar ditoy probinsiya tapno maamwan ti bilang dagiti ubbing a saan pay a naipaayan ti bakuna wenno dagiti lugar nga awan pay ti naisayangkat nga immunization.
