LA UNION – Immawat dagiti 75 nga Overseas Filipino Workers (OFWs) iti P10,000 tunggal maysa kas relief cash assistance ti gobyerno gaputi naipatungpal a temporary travel ban idiay mainland china, hong kong ken macau gaputi Novel CoronaVirus Acute Respiratory Disease (2019 NCOC-ARD).
Pakabuklan a P750-k iti naited a tulong pinansiyal kadagiti 75 nga OFWs a balik manggagawa ken newly hired, iti mismo nga OWWA Regional Office 1 ditoy syudad ti San Fernando idi kalman, Pebrero 6.
Kinuna iti Bombo Radyo La Union ni OWWA Region 1 Labor Communication Officer Geraldine Lucero, daytoy ket maiyannurot iti pammilin ni Pres. Rodrigo Duterte, a tulongan dagiti pinoy workers a naapektaran iti travel ban.
Segun kenni Lucero, dagitoy ti mangbukbukel iti first batch dagiti OFWs nga agturong koma kadagiti nasao a pagilian, kaadwan na ket household service workers, ngem saan a natuloy gaputi travel ban kasaruno ti NCOV outbreak.
