LA UNION – Aganay 76 manipud iti pakabuklan a bilang nga 82 Persons deprived of liberty (PDLs) ti Bureau of Jail Management and Penology (BJMP)-Bauang iti nakapagpa-bakunan kontra COVID 19.
Daytoy ti kinumpirma iti Bombo Radyo La Union ni Jail Senior Inspector Ulyssis Paredes, agdama a Jail Warden ti BJMP-Bauang.
Nupay kaadwan kunana kadagiti inmates ket nalpasen a nabakunaan agraman dagiti personnels ket agtultuloy a maipatpatungpal dagiti minimum health standards.
Segun kenni Paredes nga addaan-da ti triage area ken isolation area iti pagbaludan, a mabalin a pakaiturongan dagiti balud ingkaso a makapasar dagitoy ti problema iti salun-at.
Iti BJMP-Bauang ket addaan ti innem a selda para kadagiti 82 a PDLs.
Kabayatanna, agtaltalinaed a One month duty, One month off iti sistema a panagtrabaho dagiti Jail Personnels iti nasao a pagbaludan.
Maysa laeng daytoy a wagas tapno maliklikan iti pannaka-akar iti makapatay a virus dagiti jailguards ken PDLs.
Sakbay nga agsubli wenno sumrek iti trabaho dagiti jailguards ket kasapolan nga agpa-swab test ken negatibo iti resulta dagitoy.
