Pinalawa pay ti Bureau of Internal Revenue (BIR) iti ar-aramidenna a fuel marking operations kadagiti 10 Revenue Regions ken 189 a fuel stations iti naamiris agingga idi Oktubre 13, 2026, kas paset ti napapigsa nga enforcement kontra illicit fuel trade ken panangikagumaan a protektaran iti revenue base ti pagilian.
Kadagiti naamiris a pasilidad, 111 ti pimmasa iti field tests bayat nga adda iti 78 ti nakailista ti field failures, wenno kaibatugan ti 41.3% iti pakabuklan nga istasyo a naamiris.
Gaputi dayta, pormal a kinabilan tib seal dagiti affected pumps manipud 78 establishments, agraman ti nasurok kumurang a 900,250.69 liters ti fuel inventory nga adda pakainaigan iti napaay a field tests, bayat a ti independent third-party testing ken verification ket indaulwan ti SGS Philippines.
Inlawlawag ti BIR, sakop ti operasyon iti RR No. 5 – CAMANAVA ken Bulacan; RR No. 6 – City of Manila ken Palawan; RR No. 7A – Quezon City, RR No. 7B – East NCR, RR No. 8A – Makati City, RR No. 8B – South NCR, RR No. 11 – Western Visayas, RR No. 12 – Negros Island, RR No. 13 – Central Visayas, ken RR No. 14 – Eastern Visayas.
Segun kenni BIR Commissioner Charlito Martin R. Mendoza nga agtultuloy a biroken ti Bureau of Internal Revenue dagiti fuel sources nga adda pakainaigan iti napaay nga station-level tests ken mangisayangkat iti kanayunan a verification agraman testing kadagiti fuel depot, nupay inlawlawag na a ti panangtiliw ti maysa nga istasyon ket saan a kaipapanan a dagus a saan a compliant iti supplier daytoy.
Impaganetget ti komisyoner a ti nasao nga addang ket paset ti BIR DARES reform agenda iti sidong ti Revenue Collection and Base Protection tapno maparmek iti illicit trade a mangpakapsot iti koleksyon ti buwis.
