LA UNION – Nainget nga ipatpatungpal ti PNP Agoo iti Municipal Ordinance No. 02-2010 wenno Maintenance and Safekeeping of Animals for the Welfare and Protection of Residents under section D wenno”ASO MO ITALI MO”.
Gapu iti panangipatungpal ti nasao nga ordinansa, adda iti walo nga STRAY DOGS wenno walang nga aso manipud iti uppat a barangay idiay Agoo, La Union partikular ti Barangay Capas, Macalva Central, Macalva Sur ken ti Macalva Norte.
Kadwa ti Agoo PNP iti dua a kameng ti Municipal Health Office, isuda Juanito Zarate ken Jenelyn Navarino, agraman iti mangibagbagi iti sanitary office a ni Eric Ventura.
Dagiti natiliw nga walang nga aso ket adda itan iti impounding area ti RHU Agoo.
Dagiti met akin-aso ket naikkan da ti citation ticket ket mamulta dagitoy ti 300 pesos tunggal aso.
Naminsan manen nga impalagip dagiti otoridad nga igalot wenno iyaramidan ti kulungan dagiti taraken nga aso, tapno saan a maka-perwisyu dagitoy, a kas iti panagiwara ti basura ken panag-kagat iti tattao.
