LA UNION – Natay iti walo a miyembro ti maysa a pamilya gaputi pannakaidungpar ti nagluganan da a van iti maysa a truck iti kawatiwatan ti Maharlika Highway idiay Barangay Sto. Cristo, Sariaya, Quezon agarop alas 5:30 a.m. idi Kalman, Agosto 18.
Napasamak ti aksidente bayat nga agawiden dagiti biktima idiay Manila manipud Bicol kalpasan nga immatendar da ti death anniversary ti lola da idiay Balatan, Camarines Sur.
Maibasar iti inisyal a report ti Sariaya Police, posible a nakaridep iti van driver a ni Eleodoro Bermudo a nakaigapwan ti aksidente.
Dagiti walo a natay ket manipud iti 24 a pasaheros ti van.
Tallo iti dead on the spot bayat a lima ti natay iti ospital a pakairamanan ti ubing a babai nga agtawen ti dua.
Dagiti natay pakairamanan ti van driver ket isuda: Eleodoro Bermudo, Jaime Bermudo, Sarah Concepcion, Sarah Joy Concepcion, Villamor Concepcion, Francisco Concepcion, ken Danilo Dapadap.
Dagiti nadundunor ket pakaibilangan ti truck driver isuda: Crisanto Pascual, Ariel Caliro, Jomar Caliro, Anjo Caliro, Louis Aldea, Gilbert Bermuda, ken Antero Vergara.
