LA UNION – Natay kalpasan a nalmes ti maysa nga ubing iti maysa a beach resort idiay Barangay Paringao, Bauang, La Union idi malem kalman.
Iti biktima ket managan Andrew Kim Caamud, agtawen ti 8, residente ti Aurora Hill, Baguio City.
Maibasar iti report, kadwa ti biktima dagiti nagannak na a napan nagdidigos iti maysa a beach resort idiay Barangay Paringao, Bauang, La Union.
Maipagarop a maysa nga ubing met laeng iti nakakita a tumtumpawen iti bagi ti biktima iti nagdidigosan dagitoy a pool.
Dagus met nga immarayat ti managan Carlo Balballosa ket impaayan na ti first aid iti biktima kasaruno ti panangiturong da iti Ilocos Training and Regional Medical Center (ITRMC) ditoy syudad ti San Fernando, ngem indeklara a dead-on-arrival babaen iti attending physician.
