LA UNION – Adda iti baro a hepe iti walo a municipal police stations ditoy probinsiya ti La Union.
Kinumpirma iti Bombo Radyo La Union ni Chief/Ins Silverio Ordinado, tagapagsarita ti La Union Police Provincial Office (LUPPO), a na-reshuffle dagiti acting chief ken OIC chief kadagiti ili ti Bacnotan, Naguilian, Burgos, Balaoan, Bangar, San Gabriel, Santol ken Bagulin.
Sumagmamano laeng kadagiti baro a nadutukan a hepe ti pulisiya ket isuda Chief/Ins Cirilo Butigan iti Bangar PS, Chief/Ins Rogelio Miedes iti Balaoan PS, ken Chief/Ins Reynaldo Soria iti Naguilian PS.
Dagiti dadduma a nadutukan ita a hepe ti pulisiya idiay Bacnotan, Burgos, San Gabriel, Santol ken Bagulin ket bin-ig a Senior Inspectors.
Inlawlawag met ni Maj. Ordinado a maysa laeng daytoy a regular wenno ordinaryo a panagsukat kadagiti dadaulo ti tunggal cuerpo ti pulisiya, tapno makita ken maasa pay a naimbag iti kabaelan dagiti opisyal iti panangiggem iti naduma-duma a lugar ditoy probinsiya.
