LA UNION – Tiniliw iti pulisya dagiti walo a residente nga agsusugal iti nagsina a lugar idiay Barangay Tanquigan, syudad ti San Fernando, La Union.
Naammuan ti Bombo Radyo manipud ti San Fernando City Police, umabot iti P880 a kwarta a pagtaytaya ken ti baraha iti nakompiskar manipud kadagiti lima a nagsusugal idiay Purok 1 ti nasao a barangay.
Maysa a majong set ken P234 a kwarta a pagtaytaya iti naala dagitoy otoridad kadagiti tallo pay nga indibidual idiay Purok 5.
Agpapada a naglabsing iti Anti-illegal gambling law dagiti natiliw a suspek.
