LA UNION – Nagsubli iti sidong ti gobyerno ti maysa nga 84-anyos a lolo a kameng ti makakannigid a grupo idiay ili ti Aringay, La Union.
Naammuan ti Bombo Radyo manipud ti La Union Police Provincial Office, boluntaryo a nagkamang iti kwerpo ti pulisya idiay iti nasao nga ili ti saanen a nainaganan a lakay.
Isuna ket nagpaay kas adviser ti Panagkaykaysa ti Gunglo iti Mannalon ti Aringay (PAGAY), nagbalin nga overall coordinator ti Kilusang Magbubukid ng Pilipas (KMP)-Ilocos, ken dati a regional chairman ti STOP exploitation – Ilocos.
Naallukoy nga agsubli iti nakemna ti gobyerno ti nasao a lakay gapu iti panagtitinnulong a panangkumbinsir dagiti kameng ti pulisya ken militar babaen ti flagship program a National Task Force to End Local Communist Armed Conflict (NTF-ELCAC).
