Saan nga inkarikna ti 85 anyos a lolo a magna iti nagalis ken napitak a dalan madanon laeng iti balay ti Kahapon Lamang sender kalpasan a maguyugoy iti pakaistoryaan daytoy.
Segun kenni Ramon Garcia, residente ti Barangay Gana, iti ili ti Caba, naguyugoy isuna iti pakaistoryaan ni Ofelia Gurion, residente ti Barangay Bungro, iti ciudad ti San Fernando, La Union.
Kinuna pay t lolo, a no nasapsapa na laeng a naamuan iti problema ni Gurion ket amangan naiysideg na daytoy iti Human Rights no sadino pagaropen daytoy a saan a nagpakamatay iti pagbaludan ti asawa na.
VC – Ramon Garcia
Dumanon met iti P2,000 a cash ti inted ti lolo kenni Gurion a tulong.
Maipalagip, kinuna ni Gurion iti surat na a natay ti asawa na idiay Muntinlupa kalpasan a maibalod gapu iti kaso na a frustrated murder.
Uray agkurkurang iti kuarta ket immutang daytoy tapno laeng maiyawid iti bangkay ti asawa na.
Iti agdama, kadukadua ti misis ti uppat nga anak na a tumultulong kenkuana no sadino saan daytoy a makatrabaho gaputa saan a daytoy a makapagna.
