Nakaawat ti tig-20,000 a financial assistance manipud OWWA Region 1 dagiti aganay 85 a sigud nga Overseas Filipino Workers a taga-La Union.
Segun kenni Gerado Rimorin, OIC ti programs and services iti nadakamat nga ahensya, paset daytoy iti programa a Balik Pinas, Balik Hanapbuhay program, maysa a livelihood program ti OWWA tapno matulongan dagiti nasao nga ex-OFW a maaddaan ti pagbirokan tapno masuportaran iti pagkasapolan ti pamilya dagitoy.
Naamwan pay a dagiti benepisaryo ket aktibo a miyembro ti ahensya ken sigud a nagtrabaho abroad ngem napaawid gaputa iri naduma-duma a rason kas ti maltreatment, illegal termination, kalamidad, ken pannakalugi ti pagtrabahuanda.
