LA UNION – Nasarakanen dagiti tattao a nakapulapol ti maysa a COVID-19 patient nga immunan a nagdagus ditoy syudad ti San Fernando, La Union babaen ti naisayangkat a contact tracing.
Iti pannakiuman ti Bombo Radyo kenni San Fernando City Health Officer Dr. Allyn Pacio, kinuna a siyam iti nammuanda a nakapulapol ti nasao a pasyente sakbay nagpositibo daytoy iti COVID-19.
Sigun kenni Dr. Pacio, naggapu idiay probinsya ti Pangasinan ti saanen a nainaganan a nagpositibo iti nasao a sakit ken temporaryo a nadagus iti pagnanaedan ti katrabahuanna sakbay a nagturong daytoy idiay syudad ti Bagauio.
Madama met ita nga ur-urayen ti Department of Health iti resulta ti COVID-19 test dagiti nasao nga indibidual.
