LA UNION- Nasarakan a pimmusay ti maysa a lola a mapapati a natay gapu iti heat stroke sadiay Barangay Santiago Norte siudad ti San Fernando, La Union.
Base iti impormasyon manipud iti San Fernando City Police Station, nabigbig ti 92-anyos na lola a ni Esperanza Ducusin residente ti nadakamat a lugar.
Iti panang-imbestigar ti Regional Crime Laboratory Office 1 ket awan ti anyaman a sugat ti nakita iti bagi ti lola ken maibagbaga a natay daytoy gapu iti kinataeng ken napakaro pay ti kinabara ti panawen.
Nagkedked ti pamilya nga ipasidong ti otopsiya ti bangkay a naiturong iti maysa a funeral parlor idiay Barangay Catbangen ti nasao a siudad.
