LA UNION – Namonitor ti Philippine Navy iti aganay 92 a barko ti China iti naduma-duma maritime features idiay West Philippine Sea.
Iti press briefing idi kalman, Martes,impadamag ni Armed Forces of the Philippines spokesperson Col. Francel Margareth Padilla, a manipud iti nasao a bilang, 10 iti barko ti Chinese Coast Guard, 9 manipud People’s Liberation Army Navy, 68 iti Chinese maritime militia vessels ken 2 a research survey vessels.
Segun iti opisyal, 10 manipud iti 92 Chinese vessels ket nasaripatpatan idiay Panatag shoal, 13 idiay Ayungin shoal, 38 idiay Pag-asa islands, 5 idiay Lawak island, 5 idiay Panata island, 13 idiay Sabina shoal, 4 idiay Julian Felipe reef ken 30 idiay Iroquios reef.
Idi napan a lawas, impadamag ti PH navy nga aganay 122 a barko ti China iti naispatan iti uneg ti WPS manipud Hulyo 30 agingga Agosto 5.
Daytoy ket mangipak-pakita ti dackel a panagbaba kumpara iti 400 a gangannaet a barko a namonitor idiay WPS idi napan a tawen ket 85% ditoy ket manipud China.
Siniguro met ni Col. Padilla nga agtalinaed a committed iti puwersa armada ti Pilipinas iti panang-depensa ti soberaniya ken maritime zones idiay WPS babaen iti panangisayangkat iti maritime cooperative activities kadwa ti like-minded countries.
