LA UNION – Umabot iti 94 a tattao ti natay ken aganay 800 dagiti nasugatan kalpasan ti panagduprak ti cyclone Chido idiay Mozambique.
Segun iti National Institute of Risk and Disaster Management (INGD) nasurok a 622,000 nga indibiduwal iti apektado ti nasao a bagyo.
Umabot met iti 110,000 a babbalay iti dinadael ti napigsa a bagyo.
Dimmuprak ti bagyo Chido idi Disyembre 15, a kabuyog na ti kapigsa ti angin nga umabot iti 260 kilometro kada oras wenno 160 miles per ken 250mm a rainfall ti imbuyat na iti umuna a 24 nga oras.
Iti bagyo Chido ket immuna a dimmuprak idiay Mayotte, France ken nangibati met laeng ti dackel a perdisyon.
Maibilang pay a kapigsaan a bagyo a dimmuprak idiay Mayotte kalpasan ti 90 a tawen, gaputa nangibati daytoy ti tens of thousands a tattao ti dinidigra iti bagyo.
