LA UNION – Madama ita ti panangisayangkat iti training ti Department of Social and Welfare Development (DSWD) Regional Office-1 para kadagiti agpaay kas enumerators ti maikatlo a ganwat ti Listahan ng mga Pamilyang Nangangailangan wenno ti Listahanan.
Iti pannakiuman ti Bombo Radyo kenni DSWD Regional Office-1 Policy and Plans Division Chief Anniely Ferrer, nasurok a 976,000 households iti target nga ipasidong ti assessment ti nasao nga ahensya.
Ti listahanan ket isu ti national household targeting system for poverty reduction ken pangibasaran daytoy kadagiti maipaayan ti tulong a kakailyan a nakukurapay babaen iti programa ti DSWD.
Mangrugi iti panangsapul ti benepisyaryo ita a bulan ti Oktobre ken mailippas daytoy agingga iti bulan ti Disyembre iti agdama a tawen.
