Mamati ni Bayan Muna Partylist Representative Carlos Isagani Zarate a mas nasaysayaat para iti pagilyan nga ipangpangruna ti ‘peace talk’ ngem ti naidatag nga impeachment complaint idiay Karama laban kenni Pangulo Rodrigo Duterte.
LA UNION – Mamati ni Bayan Muna Partylist Representative Carlos Isagani Zarate a mas nasaysayaat para iti pagilyan nga ipangpangruna ti ‘peace talk’ ngem ti naidatag nga impeachment complaint idiay Karama laban kenni Pangulo Rodrigo Duterte.

Iti pannakiuman ti Bombo Radyo La Union kenni Zarate, kinunana a nasaysayaat para iti Makabayan Block a trataren ti saritaan pangkapya gapu ta mas ad-adu a kakailyan iti agnumar babaen ti mabukel a tulag iti baetan ti CPP-NPA-NDF ken ti gobyerno kangrunaan ti tarigagay a kinakapya iti pagilyan.

Sigun iti opisyal, saan a mailibak a maibilang kas ‘political act’ iti panangidatag ti impeachement complaint kontra iti pangulo ni Magdalo Party List Representative Garry Alejano gapu ta daytoy ket mabigbig a kritiko ti admistrasyon.

Seryuso kinuna ni Zarate, dagiti nagbalin nga alegasyon ni Alejano laban kenni Duterte a kasapulanda a tingitingen a naimbag idiay Kamara no agpursige ti nasao a reklamo kontra iti pangulo ti pagilyan. (AbsFlores)