LA UNION – Sumangsango iti kaso a panalabsing iti RA 9165 wenno Comprehensice Dangerous Drugs Act ti maysa a beautician kalpasan nga arestaren iti naisayangkat a buy bust operation dagiti otoridad idiay Barangay San Nicolas East, Agoo, La Union.
Nabigbig ti suspek a ni Jose Alvarez Jr, 53, residente iti nasao a lugar, ken maibilang a newly identified drug personality.
Nakumpiskar manipud kenkuana ti (2) sachet ti maipagarop a shabu ken P500 peso bill kas buy bust money.
Iti agdama, nakabalod pay laeng ti suspek tapno sangwen iti naidatag kenkuana a kaso.
