LA UNION – Natay iti maysa a lalaki nga aglaklako ti sigarilyo kalpasan a paltugan iti barukong na iti maysa a saan a nabigbig a customer daytoy.
Napasamak ti pammaltog idi rabii diiay Brgy. Cantoria #4, Luna, La Union.
Naideklara a dead-on-arrival idiay Balaoan District Hospital iti biktima a ni Graciano Ganzan Jr., 45, residente ti nasao met laeng a lugar.
Immuna ti daytoy, iti biktima kadwa na iti live-in partner daytoy ket maipagarop nga aglak-lako da ti sigarilyo iti sumagmamano a lallaki idi maysa kadakuada iti kellaat a nangpaltog iti biktima.
Kalpasan a natumba iti biktima, dagus metten a naglibas iti suspek kadwa na iti dadduma pay a naglugan iti saan pay nga ammo a behikulo.
Nangipatungpal met a dagus ti Luna Police kadwa na iti kabangibang a police station iti dragnet operation para iti posible a pakatiliwan dagiti suspek.
Saan pay a nalawag iti motibo iti napasamak a krimen.
