LA UNION – Maminsan manen a pinaneknekkan iti Bombo Radyo Philippines ti kabaelan na iti panangipaay ti serbisyo no sadino maysa daytoy iti tallo a nakaawat ti “Oustanding Blood Services Partner” idiay La Union.
Iti pannakiuman ti Bombo Radyo kenni Michelle Bermudez, chapter service representative ti PRC-La Union Chapter, kinuna na nga iti uneg ti 14 nga tawen a panagbalin a partner iti Bombo Radyo La Union ket nakailista daytoy ti 1,297 units wenno 583,650 cc a nakolekta nga dara gapu iti proyekto na a “Dugong Bombo”.
Ti nasao nga award ket isaysayangkat ti Philippine Red Cross tunggal bulan ti Hulyo kagiddan iti selebrasyon ti “Blood Donors Month”.
Kabilang kadagiti nakaawat ti pammadayaw ket ti local government unit ti ili a Bauang ken Lorma Colleges no sadino nakakolekta dagitoy ti 1,000 units iti dara ken addaan iti maysa a dekada nga partner ti PRC.
