LA UNION – Addan iti person of interest dagiti otoridad iti napasamak a pammaltog a nakatayan iti maysa a mannalon idiay Cantoria #4 Luna, La Union.
Kinuna iti Bombo Radyo ni Chief Inspector Roy Villanueva, officer in charge iti Luna Police Station, maysa a kitkitaen da a motibo iti krimen ket iti panagpautang daytoy.
Maipalagip a bayat nga aglak-lako iti biktima kadwa na iti live-in partner daytoy ti sigarilyo iti sumagmamano a lallaki, maysa kadagitoy iti maipagarop a nangpaltog kenni Graciano Ganzan Jr., 45, residente ti nasao met laeng a lugar.
Naideklara a dead-on-arrival ni Ganzan idiay Balaoan District Hospital idiay Balaoan, La Union gaputi sinagaba na a tama ti bala ti paltog iti barukong daytoy.
Nupay kasta, kinuna ni Villanueva nga agtultuloy ti imbestigasyon ken panangadal iti dadduma pay a posible nga anggulo iti nasao a krimen.
Impaganetget pay ni Villanueva nga awan met iti naaw-awat a pangta ti biktima idi sibibiag pay daytoy ken awan met iti naka-rikkiar na, sakbay a napasamak iti pammaltog.
