LA UNION – Maitabunen inton bigat ti ni Parian Este, Bauang, La Union Barangay Chairman Alejo Abuan Jr. idiay Bauang Public Cemetery.
Daytoy iti naammuan ti Bombo Radyo manipud kenni Bauang ABC President Noel “Wowwie” Gallardo.
Sigun kenni Gallardo, nangaramid metten iti relusyon ti Liga ng mga Barangay idiay Bauang tapno nainget a kondinaren iti naaramid a pammapatay kenni Kapitan Alejo.
Naiyawaten iti financial assistance a nagtaud iti Bauang ABC para ti naulila a pamilya ti pimmusay a kapitan.
Kabayatanna, kinumpirma met ni Gallardo a sumukat kas punong barangay ti nasao a lugar ni 1st Kagawad Joel Abuan.
Maipalgip a napapatay ni Kapitan Alejo babaen iti saan pay a nabigbig a riding in tandem suspects idi nga agturong koma daytoy iti ABC meeting idi napalabas a lawas.
