LA UNION – Nasapolan met laengen ti Philippine Coast Guard iti bagi ti barito nga nalmes iti baybay kalpasan iti sumagmamano nga aldaw a panagsapolda idiay Barangay Victoria, ili ti Luna, La Union.
Nabigbig ti biktima a ni Jayvee Asperin, 15, Grade 9 student, ken residente ti Barangay Salcedo iti nasao nga ili.
Maipalagip, nagturong ti biktima kadua iti sumagmamano a gagayyem iti baybay tapno agdidigos idi August 14, 2018, no sadino napigsa iti dalluyon iti dayta nga aldaw gapu pay laeng iti habagat.
Iti agdama, nakaimasayagen ti bangkay na iti balayda ken saan pay nga ammo iti pannakaitabon daytoy.
