LA UNION – Arestado manen iti maysa a beautician gapu met laeng iti kapada a kaso daytoy iti napalpalabas, nga adda pakainaigan na iti iligal a droga.
Iti insayangkat a buy bust operation iti nagtipon a puwersa ti San Fernando City PS, La Union Intel Bureau, ken PDEA Region One, iti Barangay Parian ditoy syudad itay alas 2:00 ti parbangon, inarestar da iti managan George Duculan, 31, residente ti Purok 9, Sevilla, San Fernando City, La Union.
Kinumpiskar dagiti otoridad manipud iti ikot ti suspek iti maysa a heat sealed plastic sachet iti maatap a shabu a ginandat na nga ilako; dua pay a recovered heat sealed plastic sachet ti suspected shabu, agraman iti P500 buy bust money.
Iti suspek ken dagiti nakumpiskar a droga ken ebidensiya ket adda ita iti custodiya ti pulisiya.
Sumangsango manen ti suspek iti kaso a panaglabsing iti Sections 5&11 iti Article II ti R.A. 9165
Kabayatanna, inaklon ti suspek nga agus-usar daytoy iti shabu.
Immunan a naarestar idi September 2017 gaputi panagikot met laeng ti illegal drugs, ngem nawaswas ti kaso daytoy idi November 2017.
