LA UNION – Isagsaganan ti pulisya iti kaso kontra ti maysa a lalaki a maipagarup nga aglaklako iti droga idiay Barangay Sta. Rita Norte, ili ti Agoo, La Union.
Nabigbig ti suspek a ni Federico de Vera, 47, residente ti Barangay San Julian, ili ti Agoo, La Union.
Base iti report a nakalap manipud iti Agoo Police Station, dua a sachet a naglaon iti maatap a shabu ken P500 a buy-bust money ti nakompiskar manipud iti ikot ti suspek.
Kaso a panaglabsing iti Comprehensive on Dangerous Drugs Act ti reklamo a sanguen ti suspek idiay prosecutor’s office.
