LA UNION – Naidatagen idiay piskalya ti kaso kontra iti maysa a mister a naaresto gapu iti maipagarup a panaglako ti shabu idiay Barangay San Nicolas West, ili ti Agoo, La Union.
Nabigbig ti suspek a ni Ryan Carag, 33, residente iti Barangay San Julian East ti nasao nga ili.
Iti impormasyon a nakalap ti Bombo Radyo manipud iti Agoo Police Station, tallo a sachet a naglaon iti maatap a shabu ken P500 a buybust money ti narekobre manipud iti suspek.
Kaso a panaglabsing ti Comprehensive on Dangerous Drugs Act ti reklamo sa sangsanguen ita ti suspek.
