LA UNION – Isagsaganan ti pulisya ti kaso kontra iti maysa a lalaki a maipagarup a nangipasarang iti paltog idiay Barangay Udiao, ili ti Rosario, La Union.
Nabigbig ti suspek a ni Noel Ancheta, residente ti nasao a lugar.
Naammuan ti Bombo Radyo manipud iti Rosario Police Station, maipagarup a pinangtaan ken pinasarangan iti paltog ti suspek ti biktima a ni Benjamin Pocsidio.
Ngem naagaw ti biktima ti nasao nga igam kasaruno iti panaglibas ni Ancheta.
Adda ita iti salwad ti pulisya ti nasao a nga igam a maysa a cal .38 paltog tapno agserbi nga ebidensya konta iti suspek.
