LA UNION – Sumangsango iti kaso a panaglabsing ti RA 10591 ti maysa nga baro kalpasan nga maalaan kadagiti bala ken paltog idiay ili ti Bagulin, La Union.
Nabigbig ti suspek a ni Jack Layugan, 24, addan asawa, residente ti Barangay Suyo iti nasao nga ili.
Immuna ditoy, sinukimat ti Bagulin Police iti pagtaengan ti suspek babaen iti search warrant nga impaulog ni Acting Presiding JudgeDebbie G. Dulay-Del Val ti 2nd Municipal Circuit Trial Court Bagulin-Burgos nga napetsaan ti Agosto, 23, 2018.
Naala manipud iti pagtaengan ti suspek ti (1) unit ti cal. 38 revolver ken 3 nga bala daytoy.
Ti agdama, agtaltalinaed iti kustodiya dagiti otoridad ti suspek para iti naan-anay a disposisyon.
