LA UNION – Saan nga mailawlawag a kinaragsak para kadagiti Pinoy workers iti naisangsangayan a gundaway nga makita ken makasarita ti personal ni Presidente Rodrigo Duterte iti panagturong idiay Israel.
Iti pannakiuman ti Bombo Radyo La Union kenni Bombo Correspondent Felipe Alomodovar Jr, a taga Barangay Baroro, idiay ili ti Bacnotan, La Union ken agtatrabaho idiay Tel Aviv bilang care giver, kinuna na a naggapu iti nadumaduma nga organisasyon dagiti Overseas Filipino Workers ti simmurot iti meeting iti pangulo.
Dumanon met iti 120 a bus ti nagluganan da nga pakaibilangan ti 1,300 pinoy workers.
Immuna ditoy, dupudop ti adu nga tattao idiay embahada ti Pilipinas idiay Israel tapno agparehistro tapno makita ken makasarita ti personal ni Pangulo Duterte idiay Jerusalem.
