LA UNION – Nakaragsakan ni Kapitan Raul Octavo ti Barangay Pagdaraoan, San Fernando City, La Union iti nagbalin a desisyon ti korte a pannakaibasura iti kaso a rape a naidatag kontra kenkuana.
Kinuna ni Octavo, nagpannuray iti hustisya iti laksid dagiti agkakadagsen nga alegasyon kontra kenkuana ket nalasatanna daytoy.
Naminsan manen nga impaganetget ti kapitan a bin-ig a parbo laeng iti naaramid a pammabasol kontra kenkuana a ti motibo ket gapu iti politika.
Sigun pay kenni Octavo, nakasagana met daytoy a mamakawan no aklonen dagiti nangisaklang kenkuana a saan a pudno nga naipabasol kenkuana a krimen.
Immuna iti daytoy, imbausra iti Regional Trial Court Branch 26 ti kaso kontra iti nasao a barangay official idi Septemer 20, iti agdama a tawen.
