LA UNION – Arestado idiay Barangay Alcala, Luna, La Union iti maibilbilang a Top 2 most wanted person iti municipal level idiay Lemery, Batangas.
Babaen iti nagtipon a puwersa ti Luna Police ken Lemery Police idiay Batangas ken bileg ti alias warrant of arrest nga impaulog ni RTC Br 6 Judge Eutiquio Quitain idiay Region IV, inarestar da iti managan Sixto Villanueva, 47, addaan asawa, barangay tanod, ken tubo ti San Isidro, Lemery, Batangas ngem agnanaed itan idiay Barangay Magallanes, Luna, La Union.
Iti suspek ket sumangsango iti kaso a pammapatay wenno murder.
Awan iti nairekomenda a piyansa iti suspek isutgapuna nga agtaltainaed daytoy iti custodiya ti pulisiya para iti umno a disposisyon.
