LA UNION – Agtultuloy iti imbetsigasyon ti pulisya maipapan iti maipagarup panagbekkel ti maysa a babai idiay Barangay Narra, ili ti Bacnotan, La Union.
Nabigbig ti pimmusay a ni Mary Jane Facturan, 30, residente iti nasao a lugar.
Naammuan ti Bombo Radyo manipud iti Bacnotan Police, nasarakan laeng iti kabbalayna ti biktima a nakabitin ti bagina iti kusina.
Maysa a tali ti maipagarup nga inaramanna iti panagbekkel.
Naiturong idiay ospital ti babai ngem naideklara daytoy a dead on arrival.
