LA UNION – Sumangsango iti kaso a panaglabsing iti R.A. 9165 wenno Comprehensive Dangerous Drugs Act of 2002 iti maysa a tricycle driver, gaputi gandat a panagilako na iti iligal a droga.
Iti insayangkat dagiti otoridad a buy bust operation idiay Barangay Nazareno, Agoo, arestado iti suspek a nabigbig iti nagan a Mario Milanes, 32-anyos, residente ti Barangay San Agustin Norte, Agoo, La Union ken siguden a simmuko gaputi iligal a droga.
Kinumpiskar dagiti otoridad iti ginandat ti suspek nga ilako a maysa a plastic sachet iti maipagarop a marijuana, iti narekobre a maysa pay a plastic sachet iti maatap a marijuana, ken P100 bill a nagserbi a buy bust money.
Iti subject ken nakumpiskar a droga ket adda ita iti custodiya ti Agoo Police para iti umno a disposisyon.
