Sumangsango iti kaso a panaglabsing ti RA 9165 wenno Comprehensive Dangerous Drugs Act of 2002 ti maysa a lalaki kalpasan iti naisayangkat a buy bust operation idiay Barangay Cabarsican, Bacnotan, La Union.
Nabigbig daytoy a ni Wilbert Esporan, 27, addaan asawa, residente ti Barangay Sipulo.
Naala manipud kenkuana ti 2 sachet iti maatap nga napagango a bulong ti marijuana, P200 kas buy bust money, ken cellphone.
Iti agdama, agtaltalinaed iti pagbaludan ti suspek karaman dagiti nakumpiskar kenkuana para naan-anay a disposisyon.
Saan met nga inlibak ti suspek nga agar-aramat daytoy ti droga.
