LA UNION – Mangnamnama iti pamilya Boquing nga iti kabiitan a panawen ket magun-od da ti hustisya iti pannakapapatay kenni Sudipen Municipal Mayor Alexander Boquing ken dua a sabsabali idiay Barangay Cadapli, Bangar, La Union.
Iti eksklusibo a pannakiuman ti Bombo Radyo La Union kenni sigud a Vice Mayor Lee Boquing, ama ti napapatay nga alkalde, kinuna na a saan laeng nga isunda ngem ketdi iti sibubukel nga ili ti Sudipen ti mangnamnama a maaddaan ti dagus nga solusyon iti pannakatay ni Mayor Boquing.
Nagpanawagan ti sigud a bise alkalde kenni Presidente Rodrigo Duterte a kuma ket kitaen na iti sitwasyon tapno mapagsungbat dagiti adda nagbasolan na iti nakaam-ames a pimmatay iti anak na, no sadino nairaman pay ti police escort na a PO2 Rolando Juanbe ken driver a ni Boni Depdepen.
