LA UNION – Naipunponen ti pulis a kaddua ni Sudipen Mayor Alexander Boquing a natay iti panangtambang idiay ili ti Bangar, La Union.
Iti pannakiuman ti Bombo Radyo kenni C/Ins. Silverio Ordinado Jr., tagapagsarita ti La Union Police Provincial Office, kinunana a naipaayan met iti 21-gun salute ti pimmusay a ni PO2 Rolando Juanbe ti Burgos, La Union.
Idiay sementeryo ti ilida a maipunpon iti nasao a pulis.
Immunan nga impanamnama iti liderato ti pulisya iti panangipaat ti maiyanatop a tulong ken benepisyo para kadagiti naulila ni Juanbe.
Ni Juanbe ket nadutukan kas intelligence officer ti Sudipen Police Station ken maipagarup a nakigiddan laeng iti lugan ti alkalde idi napasamak ti pammaltog kadakuada.
