LA UNION – Addan iti simmangpet a modules nga impa-imprenta ti DepEd La Union Schools Division ngem saan latta nga umanay daytoy.
Gaputi dayta, imbaga ni Deped La Union Schools Division Superintendent Atty. Donato Balderas iti pannakiuman iti Bombo Radyo La Union nga agtultuloy latta iti panagpa-imprenta da iti modules dagiti mangisursuro para kadagiti estudyante.
Daytoy ket babaen kunana iti panangusar iti dua a pondo: iti Maintenance and Other Operating Expenses (MOOE) ken pondo nga aggapu iti DepEd central office.
Siniguro ni Atty. Balderas nga 1 is to 1 ita dagiti modules nga aramaten dagiti estudyante.
Kabayatanna, dumanon metten iti nasurok 2 million a kopya iti naibunong a modules kadagiti estudyante ditoy probinsiya ken aganay P27 million iti naggapu a pondo iti Deped Central Office para iti panagimprenta kadagiti nasao a learning materials.
