LA UNION – Inlawlawag ti DepEd Region 1 a nakapag-sumite da iti datus mainaig iti passing rate dagiti estudyante iti rehiyon para iti first quarter ti school year.
Kinuna iti Bombo Radyo La Union ni DepEd Region One Spokesperson Cesar Bucsit, na-delay laeng iti panag-sumite da iti nasao a datus agsipudta naladaw iti panagipasa dagiti dua a saan metten a nainaganan nga schools division offices ditoy rehiyon uno, kadagiti nasao a datus.
Sungbat daytoy ni Bucsit kalpasan iti report ti DepEd central office a saan da a naala iti datus manipud iti sumagmamano nga schools division iti Ilocos Region ken idiay Bangsamoro region.
