LA UNION – Arestado iti maysa a security guard gaputi panagsuot na iti uniporme ti pulis ken maipagarop nga inusar na daytoy tapno agkikil kadagiti tricycle drivers idiay Rosario, La Union.
Nabigbig ti suspek iti nagan nga Allan Dulay Ubongen, 30-anyos.
Iti pannakiuman ti Bombo Radyo La Union kenni Police Major Gerardo Macaraeg, agdama a chief of police ti Rosario Police Station, kinuna na a sakbay a naarestar ti suspek ket inreklamo isuna iti dua a tricycle drivers.
Maipagarop a modus iti suspek nga agpara iti tricycle drivers tapno sapolan iti violation, bayat a nakasuot iti upper garment uniform iti pulis.
Iti suspek ket agtaltalinaed iti custodiya ti Rosario PNP agsipudta awan ti pag-piyansa na iti kaso daytoy a violation iti ARTICLE 294 wenno Robbery with Violence Against or Intimidation of Persons a nang-absorb iti usurpation of authority.
