LA UNION – Natay ti maysa a baro kalpasan ti napasamak nga aksidente agarop alas 9:10 idi bigat kalman iti kawatiwatan ti national highway a sakopen ti Barangay Urbiztondo, San Juan, La Union.
Nabigbig iti biktima a ni Shane Osmar Reyes, 19-anyos, residente ti Barangay Ili Sur, San Juan, La Union.
Karaman iti nasao nga aksidente, iti motorsiklo a minaneho ti biktima ken iti tanker truck, adaan ti plate number AZA 322, minaneho ti managan Darlito Medriano Gatchalian, 44 anyos, naasawaan, ken residente ti Barangay San Eugenio, Natividad, Pangasinan.
Maibasar iti inisyal nga imbestigasyon ti San Juan Police Station, iti motorsiklo ket dumaldalyasat agturong ti abagatan a direksyon idi kellaat a naawanan ti control iti manibela, rason ti maipagarop a pannakaipurwak na iti ngalay ti kalsada.
Maipagarop a natuluyan iti biktima idi maatalan iti sumungad a tanker truck manipud abagatan nga agturong ti amianan a direksyon.
Nagsagaba ti severe head injuries iti biktima ket dagus a naiturong iti Ilocos Training Regional and Medical Center ngem naideklara a dead on arrival.
Kabayatanna, iti driver ti tanker truck ket saan a nagsagaba ti anya man a dunor iti bagi ken naiturong iti Bacnotan District Hospital para ti medical examination sakbay a naiyindurso iti San Juan Police Station para iti naan-anay a disposisyon.
