LA UNION – Nainget iti ar-aramiden ita a panagsagana ti La Union Maritime Police nga idaulwan ni Pol. Captain Romnick Bornawi para iti posible a panag-sangpet ken panag-dopodop dagiti lokal ken gangannaet a turista ditoy probinsiya ti La Union.
Iti interview ti Bombo Radyo La Union kenni Bornawi, imbaga na a mangrugi inton Marso 25, 2024 ket ma-activate iti puwersa da, gaputi manamnama a panagsangpet dagiti bisita kangrunaanna dagiti agturong iti naduma-duma a beaches ditoy siyudad ti San Fernando, idiay ili ti Bauang, San Juan ken dadduma pay a coastal areas ti La Union.
Segun kenni Bornawi, maki-koordinar da iti dadduma a law enforcement unit tapno nabil-bileg dagiti ipatungpal da nga addang a mang-protektar kadagiti umili ken bisita kontra kadagiti saan a nasayaat a pasamak iti kabaybayan, partikular iti pannakalmes.
