LA UNION – Manamnama nga iyulog ti Court of Appeals idiay Timor-Leste inton Hunyo 20 wenno nasap-sapa pay, iti desisyon seknan iti deportasyon iti napatakyas a Negros Oriental 3rd District congressman Arnolfo “Arnie” A. Teves Jr.
Daytoy iti kinumpirma ti Department of Justice (DOJ) ita nga aldaw, Mayo 29.
Segun kenni Justice Assistant Secretary Mico Clavano, dandanin agsubli ditoy pagilian iti sigud a mammanday linteg.
Ni Teves ket naarestar idi Marso 21 idiay Timor-Leste kalpasan iti impaulog a red notice iti International Criminal Police (Interpol) kontra kenkuana.
Idi Setyembre 5, 2023, nangiruar ti Manila Regional Trial Court (RTC) Branch 51 ti warrant of arrest kontra kenni Teves para iti agtutuon a kaso na nga adda pakainaiganna iti pammaltog idi Marso 4, 2023 idiay Pamplona, Negros Oriental a nakatayan ti 10 a tattao a pakaibilangan ni Provincial Governor Roel Degamo.
