BR LA UNION – Agtaltalinaed nga stable iti agdama a kasasaad ni Pope Francis ken saan a makapaspasar ti narigat a panaganges, segun iti Vatican.
Daytoy iti kasasad ti Santo Papa iti nasurok dua a lawas a panagtalinaed na iti ospital ken lumablaban iti sakit a double pneumonia.
Kinuna pay ti Vatican, awan ti gurigor ni Pope Francis ken saan a nangipakita iti senyales a panagngato ti bilang ti white blood cells ken agtaltalinaed nga stable iti sirkulasyon ti dara na.
Agtultuloy met nga mangmangan ken nasipot iti Santo Papa a pagilasinan nga adda daytoy iti naanayas a kasasaad.
