BR LA UNION – Silulukat ni U.S. President Donald Trump iti posible a mineral deal kenni Ukrainian President Volodymyr Zelenskiy.
Malaksid dayta, imbaga pay ti US President a nakalukat met iti negotiating table iti sidong ti panangimaton na, para iti napaut a kinatalna wenno peace deal iti baetan ti Ukraine ken Russia.
Inaramid ni Trump iti waragawag kabayatan ti panagbetla na idiay U.S. Congress ken imbaga na pay iti panagsurat kenkuana ni Zelenskiy seknan iti nasao a deklarasyon na maipapan iti mineral deal.
Maipalagip nga impasardeng ni US President Donald Trump iti military aid idiay Ukraine, tapno adalen nga umuna ken masiguro nu makatul-tulong met laeng iti panangbukel ti solusyon.
Iti panangisardeng ti military aid idiay Ukraine ket direkta a sungbat nu anya ti nagbalin a kapanunotan ni Trump iti impakita a kababalin ni Zelensky iti panagtaripnong da idi napan a lawas iti Oval Office, a nagresulta ti panagsinnungbat dagitoy.
