BR LA UNION – Agingga ita ket awan pay iti naawat a kopya ti warrant of arrest nga inisyu ti International Criminal Court (ICC) kontra kenni sigud a President Rodrigo Duterte.
Agur-uray iti Malakanyang ti opisyal a kopya ti makunkuna a warrant of arrest.
Segun kenni Palace Press Officer, USec Atty. Claire Castro, saan da a makumpirma iti nasao nga impormasyon agingga nga awan ti maala da a pisikal a kopya ti arrest warrant.
Kinuna ni Castro, gaputa saanen a miyembro ti ICC iti Pilipinas, kinuna na nga adda ti naduma-duma nga option ti ICC tapno idanon iti gobyerno ti warrant of arrest nu adda man naiyisyu.
Kinuna na a mabalin nga ipatulod iti Office of the President, iti Dept. of Justice wenno iti pagilian nga ayan ti tao a subject ti arrest warrant.
Ingkaso kunana nga adda maala da nga official copy ti warrant of arrest, ket dagus da nga isapubliko daytoy.
