Adu a tattao ti natay ken nadundunor iti panang-araro ti maysa a lugan kabayatan ti Lapu Lapu Festival idiay East 41st Avenue ken Fraser Street agarop alas otso ti rabii, oras idiay Vancouver, Canada.
Segun iti Vancouver police, adda iti kustodiya dan ti driver ken ti lugan nupay saan pay a mabalin nga maibutaktak ti nagan ti suspek.
Kinuna ni Vancouver Mayor Ken Sim nga agtrabaho dan tapno maipaay ti kanayunan a detalye, ngem ti agdama ket pinasingkedan dagiti otoridad a sumagmamano a pannakatay ken pannakadundunor ti inggubuay iti insidente.
Nangipeksa met ti Mayor ti pannakiladingit kadagiti pamilya dagiti biktima.
Kabayatanna, agtultuloy met ti maisaysayangkat nga imbestigasyon nu sadino ti agdama ket mabalin pay a manayunan dagiti natay ken bilang dagiti nadundunor.
