BR LA UNION – Agtultuloy a banbantayan ti Philippine Atmospheric, Geophysical and Astronomical Services Administration (PAGASA) iti na-monitor a maysa a Low Pressure Area (LPA 04a) iti ruar ti Philippine Area of Responsibility (PAR).
Agarop alas 8:00 ita a rabii, Abril 27, 2025 naudi a nasaripatpatan ti LPA iti kaadayu a 630 kilometro daya, abagatan-a-daya ti Davao City.
Segun iti DOST-PAGASA, nababa ti tiyansa a ma-develop ti nasao nga LPA iti Tropical Depression wenno bagyo iti sumaruno a 24 nga oras.
Nupay kasta, nagbalakad ti state weather bureau nga i-monitor dagiti updates manipud DOST-PAGASA.
